Normativa

Prezos das ensinanzas propias, cursos de especialización e os referidos ás demais actividades autorizadas ás universidades conforme o artigo 81.3.c da LOU

(Normativa e recomendacións aprobadas no pleno do 14 de xullo de 2004, tras a recomendación feita pola Comisión Permanente na súa reunión do día 24 de maio de 2004).

• Cursos complementarios (Comisión Executiva 23/05/05).
• Titulacións propias (Comisión Executiva 20/03/06).

1. Prezo/crédito por alumno/a
   • Para alumnos/as de titulacións propias: máximo 100 euros/crédito.
   • Para alumnos/as de máster e especialista: máximo 70,12 euros/crédito.
   • Para alumnos/as de cursos de formación: máximo 41,6 euros/crédito.
   • Para alumnos/as de cursos de extensión universitaria e cursos complementarios: máximo 360,61 euros/curso.

   Excepcionalmente, nalgún caso e previa proposta xustificada ao Consello Social, poderase admitir un prezo superior.

2. Gastos de dirección e coordinación

   Nas titulacións propias da Universidade de Vigo os gastos de dirección e coordinación non poderán superar o establecido respectivamente para os complementos anuais de dirección e subdirección dos seus centros. Para os máster, especialista, cursos de formación etc. o total de gastos por dirección e/ou coordinación non poderá superar o 10 % do orzamento total do curso, e establecerase como tope máximo absoluto o de 6000 euros.

3. Orzamento

   Toda titulación propia, máster ou curso debe presentar inicialmente un orzamento equilibrado. Dado o carácter orientativo do orzamento inicial, no caso de non acadarse os ingresos establecidos reduciranse os gastos na mesma proporción.

4. Bolsas

   En todo caso, o 5 % do orzamento deberá destinarse a bolsas completas ou a matrículas con tarifa reducida, que se adxudicarán de acordo cos criterios do MECD.

5. Financiamento

   As titulacións propias, másteres, cursos de especialista, cursos de formación e cursos complementarios deben autofinanciarse. Todos os cursos virán avalados por un centro de gasto que asumirá o déficit económico ocasionado pola posta en marcha e non inicio, ou por desfase orzamentario non previsto.

6. Gastos de expedición de título
   • a. Titulación propia, máster e especialista: o mesmo importe que a Consellaría de Educación e Ordenación Universitaria, mediante decreto anual, fixa para os títulos oficiais a nivel de licenciatura ou equivalentes.
   • b. Curso de formación:
     • de 1 a 5 créditos: 12,02 euros,
     • de 6 a 10 créditos: 30,05 euros,
     • a partir de 11 créditos o mesmo importe que a Consellaría de Educación e Ordenación Universitaria, mediante decreto anual, fixa para os títulos oficiais a nivel de diplomatura ou equivalentes.
7. Novas edicións

   Antes de iniciar unha nova edición do máster ou curso, será necesario o informe positivo emitido pola Vicerreitoría de Posgrao e Formación Permanente respecto da memoria final da edición anterior.

8. Recomendacións
   • Hora lectiva
     • a. Titulación propia, máster, especialista e curso de formación: 150 euros. Excepcionalmente poderán superar esta cantidade ata un máximo de 300 euros.
     • b. Cursos de extensión universitaria e cursos complementarios: 100 euros.
   • Hora de titoría

     A retribución das horas de titoría (non lectiva) non poderá superar o 60 % do prezo da hora lectiva.