Gabinete Psicopedagóxico

O Gabinete Psicopedagóxico da Universidade de Vigo é un departamento adscrito ao servizo de Extensión Universitaria.

Comprometido coa calidade universitaria, especialmente co estudantado, ofreécevos información, asesoramento e formación en ámbitos tanto persoais como académicos.

O fin deste novo portal é a pretensión de servos de utilidade e axuda, de modo que iremos actualizando os contidos coas máis recentes novidades.

Dispoñemos de elementos novos como a implantación dunha caixa de suxestións física para que nos axudedes a mellorar, o servizo de consultas físico individualizado e gratuíto para todo o Campus de Vigo, o servizo individualizado de consultas gratuítas por videochamadas dende o Campus de Pontevedra, e o desenvolvemento de obradoiros ao longo do curso académico, que o Gabinete vén facendo con grande aceptación e acollida.

A nosa misión é a de fomentar e desenvolver as actitudes necesarias en todas persoas que pertenzan á nosa comunidade co fin de poder afrontar con éxito os obstáculos que se poidan presentar na vida universitaria. Para iso ofrecemos as ferramentas e orientacións de tipo psicopedagóxico que sexan necesarias.

Pode acceder a este servizo gratuíto todo o alumnado matriculado na Universidade de Vigo, nos campus de Vigo e Pontevedra e nos respectivos centros adscritos.