Acceso detallado ó sistema de automatrícula, modificacións e consultas

Se xa eres alumno da Universidade de Vigo recomendámosche acceder a través da Secretaría Virtual

• Se non tes NIU podes crearte un pulsando na ligazón “Cree un NIU se aínda no o ten”.
• Se queres recuperar o teu NIU ou o teu contrasinal podes facelo premendo na ligazón “¿Esqueceu o contrasinal ou NIU?” e introducindo a túa dirección de correo.

Se eres alumno novo ou te cambias a primeiro curso doutro grao deberás acceder directamente á web de automatrícula:

• Alumnos de primeiro curso de grao: http://matricula.uvigo.es/matriculaprimeiro (a partir do 12 de xullo)
• Alumnos que se preinscriben en másteres: http://matricula.uvigo.es

Accesos directos ó sistema de automatrícula

1. Alumnado que accede por primeira vez a un primeiro curso de grao (a partir do 12 de xullo)
2. Alumnado titulado noutras universidades que accede a algunha das convocatorias específicas para a obtención do grao (curso ponte)
3. Matrícula no Máster Universitario en Dirección e Administración de Empresas (MBA) (prazo: do 9 ao 18 de febreiro)
4. Matrícula en formación continua no Máster Universitario en Dirección e Administración de Empresas (MBA) (prazo: do 9 ao 18 de febreiro)
5. Matrícula en Programas de Doutoramento regulados polo RD 1393/2007 (prazo do 5 ao 17 de outubro)
6. Alumnado que continúa os seus estudos

Axuda e resolución de incidencias

Se tes calquera problema á hora de matricularte poderás consultalo coa secretaría do teu centro (en caso de alumnado de grao e diplomaturas/licenciaturas/enxeñarías) ou coa secretaría do centro de adscrición do máster (en caso de alumnado de másteres/doutoramentos).

Podes obter unha lista completa premendo nas seguintes ligazóns:

• Información de contacto para alumnado de titulacións de grao
• Información de contacto para alumnado de titulacións a extinguir
• Información de contacto para alumnado de másteres
• Información de contacto para alumnado de doutoramento

Alta en servizos electrónicos

A Universidade de Vigo ofrece acceso Wifi en tódolos seus centros. Para poder conectarte á wifi necesitarás unha conta de correo da Universidade de Vigo (tipo usuario@alumnos.uvigo.es).

As contas de correo creanse de forma automática (pero non instantánea) a partir dos NIU. Unha vez que te crees o teu NIU (pódelo facer dende a páxina de inicio da Secretaría Virtual) deberás esperar ata 24 horas para activar a túa conta de correo (en http://correoweb.uvigo.es).

Advertencia para confirmación de matrícula en másteres

O prazo de confirmación de matrícula para o alumnado admitido definitivo é o establecido no calendario aprobado pola Comisión de Estudos de Posgrao (neste 1º prazo de 22 a 27 de xullo). O alumnado que non confirme matrícula nese prazo será substituído, a partir do día 28 de xullo, polos alumnos da lista de agarda, que terán un prazo de tres días naturais para confirmar matrícula. O sistema pecharase, a efectos de xestión de listas de agarda o 5 de agosto (último día para xestionar a lista de agarda). A partir de ese día todos os admitidos ou convocados da lista de agarda non matriculados pasarán ao estado de “renuncia”, e polo tanto terán que volver a xestionar a súa preinscrición no seguinte prazo (do 30 de agosto ao 5 de setembro). Non terán que volver a achegar a documentación xa entregada e o sistema lles rescatará os datos de preinscrición vinculados co seu DNI.