Asesoría Xurídica

A Asesoría Xurídica ten atribuída a función de asesoramento dos distintos órganos universitarios no desenvolvemento da súa xestión, co obxecto de que esta se axuste, en todo momento, ao principio constitucional de legalidade.
No seu día a día elabora informes para darlles resposta ás consultas realizadas sobre temas concretos do ámbito docente, electoral, administrativo, así como de interpretación das normas legais, leis, estatutos, regulamentos etc.

 

Servizo de Asesoría Xurídica

Segundo establece a Resolución, do 11 de xullo de 2006, de delegación de competencias (DOG n.º 138, do 18 de xullo de 2006).

"1. Con independencia das competencias que lle recoñecen a LOU e os Estatutos desta universidade,
deléganse na Secretaría Xeral as seguintes competencias: a dependencia funcional da Asesoría Xurídica, sendo este o camiño que se debe seguir para a petición de consultas e informes que lles deba render aquela aos órganos colexiados e unipersoais, así como aos restantes membros da comunidade universitaria."