Servizo de acollida de alumnado estranxeiro

A Oficina de Relacións Internacionais conta cun servizo de acollida de estudantes de intercambio formado polos estudantes da Universidade de Vigo que se ofrecen como voluntarios para axudar os estudantes estranxeiros que chegan por primeira vez a esta.

Para solicitar este servizo, deberá cubrir un impreso (arrival form) con todos os seus datos persoais, así como, indicarnos a data de chegada e o medio de transporte elexido. A ORI encargarase de asignar un voluntario/a a cada estudante estranxeiro en función da combinación lingüística e a dispoñibilidade horaria, sempre que reciba con suficiente antelación o arrival form.

Estes voluntarios/as encargaranse das seguintes funcións:

• Contactar vía correo electrónico cos estudantes estranxeiros para asesoralos antes de emprender a viaxe a Galicia.
• Recollelos no aeroporto ou estación de tren en Galicia e acompañalos ata a ORI.
• Axudalos na busca de aloxamento.
• Proporcionarlles acompañamento á facultade correspondente e apoialos no proceso de matrícula.
• Proporcionarlles información práctica sobre as actividades culturais, deportivas ou de ocio que ofrece a cidade.

Arrival form