Presentación

A Universidade de Vigo acolle este ano o Encontro anual da RedOTRI no seu campus da cidade de Ourense, os próximos 1, 2 e 3 de xuño.

Nesta ocasión, a cita anual do persoal das unidades de transferencia de coñecemento en universidades e organismos públicos de investigación asociados, está enfocada cara á carreira profesional dos xestores de transferencia, facendo fincapé nos sistemas internacionais de acreditación, os niveis de competencias necesarios, os perfís profesionais, ademais dos plans formativos axeitados.

Así mesmo terán cabida, en formato de sesións paralelas ou plenarias, iniciativas como a europea de Unión pola Innovación, as actuacións de transferencia nos Campus de Excelencia Internacional, e os fondos de capital privado para proxectos innovadores, entre outras intervencións.

A cidade de Ourense dá a benvida e aproveita para dar a coñecer, a través das actividades complementarias programadas, o seu potencial innovador, o seu patrimonio cultural e o seu espírito acolledor.

Contamos con todos vós para que, como en anos anteriores, a Conferencia sexa un éxito e logre os obxectivos de debate, reflexión e posta ao día que entre todos nos propoñemos.