Turismo

A cidade de Ourense goza dun océano subterráneo que a converte na capital termal de Galicia por excelencia, e na segunda cidade de Europa en número de mananciais destas aguas. O seu patrimonio termal é enormemente variado e inclúe cinco áreas termais de acceso gratuíto, un novo balneario e un circuíto termal xaponés. 

Ademais das súas magníficas augas, os tres símbolos máis coñecidos da cidade están representados por: as fontes Termais das Burgas onde brota de xeito continuo un caudal de auga a 67ºC, a Catedral dedicada a San Martín de Tours, edificio central da zona histórica que alberga valiosas mostras de arte, así como o Pórtico do Paraíso (modelo policromado do Pórtico da Gloria), e a Ponte Romana que conecta as dúas partes da cidade divididas polo río Miño.

O mellor xeito de coñecer Ourense é pasear con calma polas súas rúas e as súas marxes recuperadas do río Miño, e gozar da súa excelente gastronomía e viños. Este agradable ambiente compleméntase cunha grande oferta comercial.

Poden atopar máis información en:

Ourense cidade: Oficina Municipal de turismo: www.turismodeourense.es

Ourense e os seus arredores: Padroado Provincial de Turismo de Ourense: www.turismourense.com

Galicia: www.turgalicia.es