Empresas de base tecnolóxica

As spin-off universitarias son empresas que se constitúen por iniciativa dos membros da comunidade universitaria e que explotan os coñecementos e as tecnoloxías xeradas nos traballos de investigación realizados na propia universidade, que contribúe deste xeito ao desenvolvemento económico e social, ao favorecer o progreso e ao xerar riqueza.

As spin-off universitarias teñen, ademais, a consideración de empresas de base tecnolóxica (EBT), xa que a súa actividade está baseada, de forma maioritaria, en tecnoloxías emerxentes, avanzadas e innovadoras.

A Universidade de Vigo ten asumido o firme compromiso de facer realidade a creación de spin-off universitarias nacidas dende o seu propio seo, e encoméndalle á Oficina de Transferencia de Resultados de Investigación unha serie de servizos que faciliten esta liña de transferencia de tecnoloxía e coñecemento. Dentro destes servizos podemos sinalar:

• O asesoramento para a presentación da solicitude para a creación dunha EBT da Universidade de Vigo.
• A análise e o informe da solicitude respecto aos resultados de investigación da universidade: titularidade, tecnoloxías e coñecementos que se van transferir, adecuación da transferencia ao proxecto, valorización desta etc.

Para calquera consulta poden dirixirse a:

Oficina de Transferencia de Resultados de Investigación

Normativa

• Normativa de creación de empresas de base tecnolóxica da Universidade de Vigo
• Procedemento de aprobación
• Formulario de solicitude

Programas de axuda

• Empresa-concepto
• Uniemprendia
• Neotec

Empresas de base tecnolóxica

• EBT promovidas por persoal investigador da UVIGO
• Spin-off da Universidade de Vigo