Convocatoria Erasmus+ estudos 2024/2025

Xa está publicada a convocatoria do programa Erasmus+ KA131 estudos 2024/2025 para o estudantado da Universidade de Vigo.

Bases e anexos

A continuación, resumimos a información máis importante da convocatoria.

Estadía

• Poderá realizarse entre o 1 de xullo de 2024 e o 31 de xullo de 2025.

Duración

• Entre 2 e 12 meses

Financiamento (anexo II)    

• Bolsa Erasmus+: entre 250 € / mes e 600 € / mes
• Bolsa Santander: 2 bolsas de 1 000 € e 22 bolsas de 500 €
• Bolsas da Xunta de Galicia
• Bolsas da Deputación de Pontevedra
• Bolsas da Deputación de Ourense

Requisitos académicos

• Estar matriculado/a no curso 2023/2024 en titulacións oficiais de grao ou de mestrado da UVigo para enviar a solicitude

Excepción: 

Poderá presentarse no segundo prazo (establecido no punto 4.3) o estudantado que se matricile no curso 2024/2025 de mestrados de 60 créditos ECTS ou no Grao en Relacións Internacionais ou en Intelixencia Artificial procedente doutras universidades. Neste caso, a estadía só poderá realizarse no segundo cuadrimestre do curso 2024/2025.

O estudantado deberá estar matriculado na Universidade de Vigo no curso académico 2024/2025 durante o seu período de intercambio.

• O número de créditos mínimos no acordo de estudos será de (agás excepcións):
• 36 créditos ECTS / mobilidade anual
• 18 créditos ECTS / mobilidade semestral 
• O estudantado matriculado en PCEOs con presenza en máis dun centro da UVigo, deberá elixir un dos centros e, consecuentemente, rexerase pola normativa de mobilidade do centro elixido e só poderá optar aos seus destinos.
• Cumprir os requisitos específicos de cada centro (ver anexo III).

Documentación
Certificacións oficiais de recoñecemento de idiomas estranxeiros
Proxecto artístico para o estudantado de Belas Artes
Certificado de mobilidade no caso de ter gozado previamente doutra bolsa Erasmus+
Documentos acreditativos da condición de estudantado con menos oportunidades

Solicitudes    

• 1.º prazo: ata o 14 de decembro de 2023 ás 14.00 (hora peninsular española)
• 2.º prazo: do 15 de setembro de 2024 ao 15 de outubro de 2024 para o estudantado matriculado nalgún mestrado universitario de 60 créditos, no Grao en Relacións Internacionais ou no Grao en Intelixencia Artificial.